هەپەگە ڕایگەیاند: هێزەکانی پاراستنی ئاسمانیی شەهید دەلال ئامەد لە هەفتانین دژی سوپای داگیرکەری تورک، چالاکییان ئەنجامدا.
ئەمرۆ ناوەندی ڕاگەیاندنی هێزەکانی پاراستنی گەل- هەپەگە، لەسەر چلاکیی هێزەکانی پاراستنی ئاسمانیی شەهید دەلال ئامەد، ڕاگەیەندراوێکی بڵاوکردەوە، هەروەها ناسنامەی دوو شەهیدیشی ئاشکراکرد.
لە ڕاگەیەندراوەکەدا هاتووە: ڕۆژی ١٣ی ئەم مانگە کاتژمێر ٠٩:٢٠ بۆ ١١:٣٠ خولەکی پێشنیوەڕۆ، هێزەکانی پاراستنی ئاسمانیی شەهید دەلال ئامەد، لە چوارچێوەی هەنگاوی شۆڕشگێرانەی جەنگی هەفتانیان، لە مەیدانی بەکتۆریا لە هەفتانین بە ئامێری ئاسمانیی بێمرۆڤ، داگیرکەرانیان لەسەر گردی کۆردینە کردە ئامانج و چالاکیەکەیان بە شێوەی سەرکەوتووانە ئەنجامدا.
لە بەردەوامی هاتووە: ڕۆژی ١٠ی ئەم مانگە، دەوڵەتی فاشیستی تورک بە فڕۆکەی جەنگی مەیدانی شەلازێی لە هەرێمی مەتینا بۆردوومانکرد، بەهۆی ئەو بۆردوومانەوە هەڤاڵانمان ئاڤیستا و ڤیان شەهیدبوون.
ناسنامەی ئەو شەهیدانەش بەمشێوەیە ڕاگەیەندراوە:
ناسناو: ئاڤیستا شیار شەمزینان
ناو و پاشناو: لەیلا ئەرەن
ناوی دایک و باوک: کوبرا- محەمەد تاهیر
شوێنی لەدایکبوون: جولەمێرگ
کات و شوێنی شەهیدبوون: ١٠ی ١٢ی ٢٠٢٠- مەتینا
ناسناو: ڤیان جودی
ناو و پاشناو: ڕۆژین سیدۆ
ناوی دایک و باوک: ئیسرا- عوسمان
شوێنی لەدایکبوون: کۆبانێ
کات و شوێنی شەهیدبوون: ١٠ی ١٢ی ٢٠٢٠- مەتینا
لە بەردەوامیدا هاتووە: سەرەخۆشیی لە خانەوادەی شەهیدانی قارەمانمان و هەموو گەلی وڵاتپارێزی کوردستان دەکەین و بەڵێن دەدەین، بۆپێکهێنانی داخوازییەکانیان و دامەزراندنی داهاتوویەکی ئازاد، تێکۆشانی خۆمان بە بڕیارداریی گەورە بەردەوام بکەین.
هەروەها لە کۆتاییشدا لەسەر بۆردوومانی فڕۆکە جەنگییەکانی دەوڵەتی تورک هاتووە: ڕۆژی ١٢ی ئەم مانگە کاتژمێر ١١:٠٠ ی پێشنیوەڕۆ، مەیدانی مەیرۆک لە گارێ لە گەلیی گا و کاتژمێر ١١:٣٠ خولەکی پێشنیوەڕۆش مەیدانی کۆڕەژارۆ لە زاپ بۆردوومان کران.
